September 13, 2020. Kangana Ranaut aro Shiv Sena-led Maharashtra government pithor te tension thaka samay, Bollywood actress Kangana para Maharashtra Governor Bhagat Singh Koshyari logot Sunday din te lok koriboli ase koishe. Besas as eke, actress toh Mumbai para naja agae te tai aro state government pithor te tension thaka toh Governor ke koboli mon ase koishe. Sunday 4.30 pm samay actress para Governor logot lok koriboli ase, aro tai September 14 darik city para olai jabo. Kanga toh kot jaboli sawal kora samay, Tai laga team para IANS ke koishe, “security neem thaka nemite tai pera khobor toh koboli naparehbo koishe”. Kangana aro state government pithor te tension soruh kora toh tai para Mumbai nemite kotha beya koishe, city ke POK logot compare korishe aro city police force logot “sorom” koishe. Etu beche, Maharashtra laga Home Minister Anil Deshmukh para koishe ke, actress toh “Mumbai te thakiboli eku right nai”. Olop din agae te Kangana aro Shiv Sena leader Sanjay Raut kotha para larai korishe, etu beche Brihanmumbai Municipal Corporation para Kangana laga office building uthai thishe. Etu samay, Kangana toh September 9 darik Mumbai te ahishe aro tai ke Central Government para deya Y-plus security logot thakishe. Kangana Ranaut aro Shiv Sena pithor te jamila thaka samay, tai Maharashtra Governor Bhagat Singh Koshyari, ke Sunday din lok koriboli ase koishe.
Add Comment