October 1, 2020. Bollywood actress Kangana Ranaut para 7 moina thaka beche kam soruh hoboli ase koishe. Actress toh COVID-19 bemari samay tai laga family logot logot Manali te thakishe. Etai lockdown hatai nemite kam toh hosari te koriboli ase. Kangana toh South India te jaikena ‘Thalaivi’ film bona kotom koribo koishe. Etu film toh Chief Minister of Tamil Nadu, J. Jayalalithaa laga kisa oper te bonai ase. Kangana para film laga first look toh shared korikena.
Kangana Ranaut para Twitter te khobor toh shared korishe aro fans khan logot phur selfies be thikaishe. “sati khan aji bhal din te, 7 moina beche kam soruh hoboli ase, south India te jaboli ase, aro tangor project THALAIVI, te kam koribo ase, etu nemite tui khan laga blessing thibe”. Kangana laga dance teacher Prashanna Babu para tai jun laga selfie shared korishe aro Thalaivi film laga gaana rehearsing kori ase. Tai lekishe ke, “kam te wabas jaiase! #dancerehearsal #legendary film #thalaivi…nemit. Wednesday din te Kangana para purana din yaat ahikena tai bacha time laga picture shared korishe. Tai para koishe ke, bacha time te ornament besi lakai thakishe aro tai nejor chuli be kati thakishe, aro besi hasi thakishe. Hoilebi, olop beche tai fashion shows ke kam kamaishe. Kangana koishe, “ami bacha time te nejor pearls para decorated korishe, chuli be kathishe, lamba socks aro heels lakishe, manuh khan ami logot hasi thakishe. Bosti para ami London, Paris, New York Fashion nemite jai thakishe. Ami janishe ke fashion toh eku nahoi hoilebi freedom of expression.” Koishe.
Add Comment