Korean zombie ‘Peninsula’ Indian screens Nov 27 ahibo

November 11, 2020. South Korean zombie thriller “Peninsula” Yeon Sang-ho para directed kora toh Indian theatres te November 27,  Zee Studios aro Kross Pictures te olaboli ase koikena Monday din te junai thishe. “Peninsula” toh 2016 sal laga superhit zombie film “Train to Busan” beche te bona ase aro etu be Yeon para directed kora ase koishe. India te film olaboli fesla lowa toh olop din agae Maharashtra government para theatres aro multiplexes aro lokiboli janai deya beche ase. Film te starring toh Gang Dong-won aro Lee Jung-hyun ase. Film laga kisa toh, Korean peninsula te zombies rogue militia thaka chaka te sepia ek jun aro tai laga team khan logot truck ekta te poisa purta thaka te loboli putaishe. Zee Studios laga CEO, Shariq Patel para koishe ke, etai Korean films toh India te besi joli ase aro fans khan besi hoishe. “ami khan besas as eke etu film toh etu saal pithor ekla te fans khan nemite sobse bhal theatrical experiences thakibo” koikena Patel aro koishe. Kross Pictures laga CEO, Hyunwoo Thomas Kim para be koishe ke, “ami khan besi kushi ase India te Korean film aniboli aro etu Zee Studios logot melikena. Yeon Sang-ho’s laga ‘Peninsula’ toh bhal thakibo aro etu film toh etu saal Korea te sobse tangor hit film ase. Ami besas as eke, besi din lockdown beche Indian manuh khan nemite cinema te experience pabo. “Peninsula” film toh official Cannes Film Festival 2020 ase koikena junaishe.