TURA | SEPT 19, 2020: Nongalbibra regional unit Garo Students’ Union (GSU) South Garo Hills, khan para line man kun ekta electric tower line etu eki jaka te bona samay te murishe tai laga ghor manu khan nimete compensation mangishe.
Etu union para state government aro MeECL para compensation mangishe aro koishe etu line man mura toh department khan thik thak kaam nakura nimete ase . Sewa Marak, president unit para koishe”etu toh akhe bar nohoi enika nishena MeECL te huwa toh.enika hadsaa toh department khan okobi mon nadiya nimete ase.kinika tai khan retire hobole thaka manu ke high electric tower te uthabole dishe?tai khan employees khan eman nai?”
September 15 1:30 pm, te 59-year-old Lathinson G Momin aro tai logote kaam kura kunba manu khan logote kaam kuri thakishe tura laga line bhal kuribole nimete snags ola pichede.tai toh Nangalbibra line te kaam kuri thakishe etu hadsaa huwa samay te.eyewitnesses khan huiisaab te momin toh tower para girishe line logote contact aha pichede kuntu laga earthing toh pura puri bondh kurikena thakanai,tai toh gira pichede bi zinda thakishe aro Nangalbibra CHC te luijaishe.CHC para momin ke Williamnagar, te luijaishe hoilebi tai toh jhokom paa para murishe.
Momin toh Thapa Darenchi North Garo Hill te thaka manu ase.etu union koishe etu toh manu khan laga safety nimete lageh enika high risk project te kaam kura manu khan nimee aro koishe etu toh department laga duty ase enika hobole nadibole nimete . Sewa koishe ki GSU members khan Momin laga ghor te bi jaishe Mendipathar te tai ke saaman dibole nimete.etu mura manu laga ghor manu khan nimete thik para compensation dibole lageh.
Add Comment