AGENCIES:England te full capacity crowd aha toh international game nimete akhe bar September 2019 pichede July 10 pichede ahise .etu bi tai khan pakisttan logote second One-day International Lords te khela samay te.
Lords kun logote 30000 capacity thaka toh etu Event Research Programme (ERP) UK government te rakhikena ase kun khan sports venues khulibole bhabona kuri ase manu khan nimete covid19 pichede.
Government khan para limited capacity kuribole dishe ground te.komti hoilebi 17000 manu khan etu akhe wala tin din second test New Zealand laga khilaaf Edgbaston juwa moina te khelishe.
Etu haafta olop akhe te manishe ki England aro Pakistan khan majhotte third aro final odi july 13 Birmingham te 80 per cent crowd capacity te khelibole ase.
Warwickshire County Cricket Club para statement te koikena janaidishe ki “Birmingham’s Edgbaston Stadium toh aro bi ekbar chunishe Government’s Events Research Programme (ERP) logote thakibole nimete aro etu toh 80 per cent capacity Royal London International (ODI) England and Pakistan majhotte khela samay te thakibo.
Tai para koikena janaidishe Tuesday July 13 edgbaston te luwa samay te etu toh komti hoilebi 19000 fans thakikena lobo etu te under 16s ase stadium bowl aro hospitality lounges te social distancing nathkikena etu research study te ase.”
