Grammy-nominated rapper Nipsey Hussle ke Los Angeles te tai laga kabra dukaan bahar te bonduk pora marikena morai dise, etu city laga mayor pora koise.
Police pora koise ki Sunday te south Los Angeles te Marathon Clothing laga bahar te 3:20 pm nisina te teenjun manu ke bonduk pora marise.
Tai khan sob ke hospital te loikena jaise, tate ekjun morise aro alag tweijun toh halat thik hoi ase, police pora koise.
Etu haadiyar manu toh bolai jaise aro etiya tak kon ke bi thuriya nai, police pora koise.
Mayor Eric Garcetti pora Hussle moriya toh confirm korise, koise ki city toh hotai samoy baduk laga hinsa pora jowan manu laga jeevan khotom howa ke besi mon dukh pai ase.
Tai pora tweet korise ki: “Moi khan laga mon toh Nipsey Hussle laga ghor manu khan logote ase aro sob manu toh etu nisina biya khatna pora mon dukh ase.”
Police khan laga kotha loikena Los Angeles Time laga hisab te tai ke guli besi bar marise.
Tai na moriya aagete, Hussle laga official account te ekta tweet post koriya te: “Dongor dushman thakiya toh ashirvat ase” koise.
Hussle, kono laga asol naam toh Ermias Davidson Asghedom ase, toh dos saal pora besi West Coast hip-hop scene te dangor naam ekta thakise.
February te tai laga pohoila album, Victory Lap na ola aagete besi mixtapes olaise, etu album toh Grammys te best rap album nomination paise.
Tai laga saathi artist khan pora tai moriya laga khobor ke biswas koribole pariya nai, tai khan pora social media te etu musician ke samman dise.
Rihanna pora koise ki etu khobor pora tai laga aatma hilai dise.
Tai pora tweet korise: “Bhagwan tai laga aatma ke shanti dibi aro ghor manu khan ke apuni pora mon shanti kori dibi! Moi ke maaf koridibi ki apuni ke etu hatsa hoise @nipseyhussle”.
Pharrell Williams pora Twitter te lekhise ki Hussle toh besi bhal manu thakise aro million manu khan laga mon ke chuwise.
Drake pora koise ki tai aro Hussle toh etu ekki logote gaana bonaibo laga kotha kori thakise.
Add Comment