November 4, 2020. Maharashtra te cinema halls toh coronvirus bemari nemite March moina te bondh korishe. Etai 8 moina neshina hoishe ke November 5 darik para aro kolibo ase. Maharashtra government para order te kowa toh, cinema halls aro multiplexes toh 50 per cent capacity te aro November 5 darik para kolibo, hoilebi, etu samai besi kara hokom thakibo koishe. Order para koishe ke, “Cinema Halls/theatres//multiplexes/drama theatres toh 50% seating capacity te Containment Zones bahar te November 5, 2020 para kolibo parebo. halls/theatres/multiplexes/drama theatres pithor te kaboli saman mana koribo. Cultural Affairs Department aro local authorities para SOP issued koribo. Aro social distancing aro Covid-19 hoshari toh maniboli lage koishe. Filmbona Sanjay Gupta para kushi para koishe ke, “etai Maharashtra te November 5 darik para 50% te kolibo ase. Ami khan hoshari korikena masks lakabo aro manuh osor te thur thakibo lage. Hafta agae te Maharashtra CM Uddhav Thackeray para virtual meeting thaka samai multiplex aro single-screen malik khan logot koishe ke, tai khan cultural department logot melikena Standard Operating Procedure nemite fesla loiase koikena thakishe.
Add Comment