Agencies, 25 September: Saturday te Chief Minister of Maharashtra, Uddhav Thackeray para state te cinema halls toh October 22 bechite aro khulibole janaishe.
Khobor hisab te, etu toh health norms te mani kena khulibole debo aro etu nemite detailed SOP te kaam kori ase aro joldi janaidebole ase koise.
State government laga fesla te Hindi film industry ektum kushi hoi kena received korise. Pen Studios’ Jayantilal Gada toh first thakise state te theatres khulibole laga kushi mana. Tai logote Rohit Shetty aro tusara dignitaries toh Saturday din Mumbai te CM logote lok korise. Lok kora toh state te cinema halls khulibole nemite plan opor te kotha koribole thakise.
Etu meeting te be key theatre representatives – Kamal Gianchandani (President of Multiplex Association of India & CEO, PVR Pictures), Alok Tandon (CEO, Inox Leisure Ltd), Devang Sampat (CEO, Cinepolis India), aro Kunal Sawhney (Chief Operating Officer – Carnival Cinemas) aha thakise.
State te theatres aro cinema halls toh March 2021 te COVID-19 laga first wave bechite khula thakise hoilebe olob hapta pithor te state administration para cinemas toh second wave nemite bondh koribo laki koikena janaideya thakise.
Add Comment