July 11, 2021. The Tangkhul Express kula nemite state laga manuh nemite 1st standalone Tangkhul news channel toh YouTube te olaishe. Ukhrul Autonomous District Council (ADC) laga chairman, Dr. Yaronsho Ngalung para Friday din Manipur te komti manuh thakina chief guest hoikena etu occasion toh manishe. Etu occasion te kotha kora samai, Dr. Yaronsho Ngalung para news channel toh society bhal koriboli nemite kula toh besi kushi paishe koikena janaishe. Tai para koishe ke, state laga manuh khan etu young team ‘The Tangkhul Express (TTE)’ oper te besi tangor ekta bapboli bapana kori ase koishe. The Tangkhul Express laga founder-director, Ramngachan Ningshen para koishe ke, “dosura media organization neshina ami khan para be parai dak bhal kam korikena etu para manuh logot khobor bhal janai thiboli kam koriboli lage koishe. “ami khan laga kam toh kali general kisa khobor ekla cover kora nahokina hoilebi, community development nemite media coverage toh bhal hoboli lage,” koikena Ningshen para koishe. “etu horu kam ase hoilebi etu para ami khan laga society te tangor positive changes aniboli lage,” koikena Ningshen para aro janai thishe. The Tangkhul Express para hotai din laga notun khobor toh YouTube channel te janaikena ek moina neshina hoi ase, koikena press statement te janaishe. Etu official programme kulai samai social activist YL Ravin toh guest of honour thakishe aro The Tangkhul Express laga advisor, Ashang Kasar be samil thakishe. Dosura representatives neshina Ukhrul District Journalists’ Association, Tangkhul Naga Film Association, Tangkhul Music Forum, student bodies & community organizations aro friends aro well-wishers khan be samil thakishe.
Manipur: 1st Tangkhul YouTube news channel olaishe
