Marathi actress Ashalata Wabgaonkar morishe

New Delhi: September 22, 2020.Veteran Marathi actress Ashalata Wabgaonkar, 79 umer, besi bemar thakina Tuesday pujur Satara hospital para morishe koikena hospital authorities para janai thishe. Actress toh September 17 para private hospital te elaj kori thakishe. “tai laga halat toh Monday din te besi beya hoikena ventilator support te thakishe. Aji pujur te morishe”, koikena hospital laga senior doctor para koishe. Actress toh Satara te shooting nemite thakishe. Tai para Marathi aro Hindi films besi te act korikena ase. Tai mora khobor honikena celebrities neshina- Lata Mangeshkar, Renuka Shahane, Ajinkya R Deo aro dosura manuh khan para mon dhuk janai thishe. Marathi actor Ajinkya R Deo para lekishe ke, Goshhh Ashalata para Maherchi sadi film te ami laga ama neshina role loishe. Tai manuh besi bhal aro morom kora manuh thakishe. Besas nai tai mora toh, RIP.” Former Chief Minister of Goa, Digambar Kamat para koishe ke, “Goan Artist Ashalata Wabgaonkar jai jaa nemite mon besi dhuk ase, tai para theatre aro films te kam bhal besi korishe. Ami mon dhuk kora toh tai laga ghor manuh aro sati khan logot janai ase. Tai laga atma shanty te thakibe”. Kamat para koishe. Ashalata para 100 oper Hindi aro Marathi films te kam korishe, tai laga films toh- “Apne Paraye”, “Ankush”, “Woh 7 Din”, “Ahista Ahista”, “Shaukeen”, aro “Namak Halal”. Tai laga  Marathi films toh “Umbartha”, “Sutradhar”, aro “Vahinichi Maya” ase koishe.