KUALA LUMPUR: COVID-19 pandemic nimete bishi bar akhe kura pichede men’s Asian Champions Trophy hockey toh etia 1-9 October Dhaka, te lobule ase.etu khobor toh continental governing body para koi kena janaidiya thakishe.
Asian Hockey Federation (AHF) toh akhe te joborjostti etu ACT toh mota aro maiki khan laga toh pandemic nimete prostpone kurishe.
AHF chief executive Tayyab Ikram para koikena janaidiya thakishe ki”ami khan laga mission hockey toh pitch te wapas anibole nimerte etu bi coronavirus para duniya te dikdaar paa pichede mui khushi khobor di ase ki etu darek akhe kuridiya Hero Men’s Asian Champions Trophy 2021 etu sal October moina te lobule ase.”
Tai para statement te koikena janaishe etu toh aro ekta jeet ase ami khan laga ladai etu virus nimete aro etu laga effects toh sports world te aro mui bishi khushi para Asian Hockey family, Bangladesh Hockey Federation, aro hockey bhal laga manu khan ke khushi janaishe etu jita nimete.”
AHF para koikena janaidiya thakishe ki men’s ACT laga nutun darek toh confirmed kurishe etu te Bangladesh Hockey Federation khan thaka toh aro etu toh International Hockey Federation (FIH),para approve kurishe.
biennial event laga sixth edition toh Maulana Bhashani National Hockey Stadium Dhaka te lobo aro etu te choita teams khan te Japan, India, Pakistan, Korea, Malaysia, aro hosts Bangladesh khan ase.
men’s edition toh Dhaka te 11-19 March tak lobole thakishe aro women’s event toh Donghae South Korea 31 March para 6 April tak lobole ase.
Asol te duita tournaments toh juwa salt e lobole thakishe hoilebi akhe te kuridishe etu beemar nimete.aro asol darek khan etu men’s event nimete 17-27 November te lobole thaka ase .etu women’s tournament toh 14-21 June tak lobole ase.
Add Comment