Agencies, 07 January: Mizoram te Grassroot Boxing Promotional toh Mizoram-based Sete Boxing Academy logote melikena international professional boxing event lobole ase. Etu toh international arena te professional boxing aro local boxers promote koribole nemite.
Wednesday te Grassroot Boxing Promotional chief aro boxing coach Mujtaba Kamal para reporters ke event toh etu sal March te lobole scheduled korise koise.
Kamal para Mizoram boxers toh international limelight kamiyab hobo nemite dangor chance ase koise aro Mizoram laga manu khan boxing games nemite besi kushi ase koise.
Tai para Mizoram te besi talented boxers ase koise aro tai khan para khali Mizoram ekala nahoi kena India nemite be naam kamabo koise. Ami khan laga main goal toh state te professional boxing promote koribole aro local boxer khan international level te hisha lobole nemite motob koribo karni ase koise.
Tai para Mizoram boxer Lalrinsanga toh boxing event samai te WBC supper feather title nemite fight kori thakibo koise. Etu toh Mizoram boxing circuit nemite dangor boost hobole bhabona kori ase. Mujtaba Kamal aro tai laga team toh Tuesday te state sports minister Robert Romawia ke lok kora thakise. Aro minister para event te support koribole janaideya thakise.
Tai khan Mizoram te professional boxing laga development nemite kotha kora thakise
koise.
