Mizoram te Myanmar nationals ke thurishe

AIZAWL: Assam Rifles troops aro Mizoram Police melikena India-Myanmar border osor te Myanmar nationals ke thurishe koishe. Joint team para toh Myanmar origin laga automatic rifles aro live ammunition toh Zochachhuah aro Vareng bosti majot Sekul river osor te operation samai thura ase, etu jaga toh Mizoram laga southernmost Lawngtlai district te ase koikena Assam Rifles para statement te junaishe. Tui(2) jun Myanmar nationals laga hath te bantok aro goole toh illegal nemite thurishe. Etu joint operation toh Assam Rifles personnel of Lunglei battalion aro state police, Bungtlang outpost te thakai khan para kora ase. Operation team logot konuba khobor Laitlang Indo-Myanmar border te bantok aro goole exchange kora honai nemit operation thakishe, statement para janaishe. Etu samai Sekul river te ambush korikena boat ekta te detailed search kora samai Myanmar origin laga automatic rifles, magazine aro 26 rounds goole toh etu tui(2) jun laga hath te thakishe, koikena aro statement te janaishe. Statement para koishe ke, etu illegal kam kora te innocent manu laga jevan toh danger ase. Etu operation toh kamyaab hoishe aro India-Myanmar border te shanty thakibo, koikena aro statement te janaishe.