Tripura HC para public rallies ban kora aro rokiashe

AGARTALA: Tripura High Court para West Tripura District Magistrates laga order te Sadar Police Sub-Division tuita(2) jaga te political party para public rally ban kora toh November 4 darik te rokaishe koishe. Olop din akhe te BJP government para Trinamool Congress, General Secretary Abhishek Banerjee para Agartala  te tui(2) paar mega rally thakiboli permission toh mana korishe. Court laga ruling hesab te, Trinamool leader & West Bengal MP Santanu Sen para koishe ke, Tuesday din laga court order toh party para legal hesab te jaboli ase koishe. Sen logot Trinamool leaders Sushmita Dev aro Subal Bhowmik para koishe ke, Tuesday din laga khobor hesab te next kam toh junai thiboli koishe. West Tripura’s acting District Magistrate (DM) aro Collector Rajib Datta para Monday din order te koishe ke, public meeting, procession, political party para public gathering kora te East Agartala aro West Agartala police stations pithor te law & order halat toh beya jaboli koishe. Bhowmik laga petition hesab te, Tripura High Court Judge Arindam Lodh para Tuesday din DM’s order toh rokaina ase. Bhowmik para olop din akhe te be police laga direction manikena Trinamool ke Agartala te mega rally toh Banerjee para loikena thakiboli thishe. Bhowmik, Sen aro Dev para  BJP government ke ‘peaceful’ rally thakiboli nathiya toh putnam korishe, hoilebi olop din akhe state te BJP para political processions organized korikena ase.