AIZAWL: Aizawl te Uber aro Ola neshina ride android application toh Two-wheeler Taxi Association (ATTA) para Wednesday din Aizawl te kulishe aro etu para state capital te customers khan hassle-free service aro joldi para aha-jowa koriboli asani kam hobo. Application titled “Huiva” koikena state Information aro Communication Technology minister Robert Romawia Royte para Aizawl te two-wheeler taxi jola manuh nemite kulishe. Eu occasion te kotha kora samai, tai para koishe ke, etu application para customers khan ke transportation and facilitate easy rides motob koribo. Tai para koishe ke, notun technology para samai ekla pachabo nahoi hoilebi aro dosura hassle-free experience thakibo. Tai para besas te janaishe ke, etu application para state manuh ke besi faita thakibo. Huiva application toh local app developers para bonaishe aro etu state capital pithor te two-wheeler taxis nemite bona ase koishe. Etu application te users khan para 1 km pithor te two-wheeler taxis logot ride request koriboli paribo. Etu application laga bapana te security, hassle-free mobility, prompt service aro users khan faita pabo. Application toh Google play store te paijaboli koishe. ATTA president, Lalhmunmawia hesab te, itya dak state capital Aizawl te 1,500 two-wheeler taxi drivers khan ase koishe.
Mizoram te Uber neshina app ekta kulishe
