GUWAHATI: Assam’s Barak Valley para 34 Congress leaders aro workers khan party laga primary membership para resigned korikena All India Trinamool Congress te joined koishe. Etu hatsa toh former All India Mahila Congress Chief aro ex-Silchar MP Sushmita Dev para Kolkata te TMC joined koriken ek din beche thakishe. Congress party jarai khan toh Rajesh Deb, general secretary (organisation) of the Silchar DCC, Rahul Alam Laskar, general secretary (admin) Silchar DCC, Papan Deb, general secretary Silchar DCC, Sajal Banik, president Silchar Town Congress committee, Anupam Paul, president INTUC Cachar, Shyam Sundar Kalwar aro dosura manuh samil ase. Leaders khan para alag jaga te meeting korikena etu kam nemite kotha koishe. “ami khan para thike ase ke BJP aro Congress toh Barak Valley te jamila hoi ase, hoilebi, ami khan toh AITC chairperson aro West Bengal laga Chief Minister, Mamata Banerjee para kam kora te besi kushi ase.” Tai para koishe ke, West Bengal Chief Minister Mamta Banerjee toh Silchar te besi thiri nahoikena visit koriboli ase. ‘ami khan laga leader Sushmita Dev para party te joined korikena tai laga pithor te kam korikena jabo aro ami khan AITC unit logot melikena kam soruh hoishe,” koikena Deb para janishe.
