AGENCIES: ATP Tour para Tuesday te khobor dishe ki Daniil Medvedev toh Monte Carlo Masters para olaijaishe etu bi covid 19 positive paa pichede.
Russian world number two para ATP statement te koikena janaishe “etu toh ekta mondukh kotha ase Monte-Carlo te khelibole napara toh.mui laga focus toh etia bhal hobole nimete ase aro mui akhe te sai ase tour te wapas ahibole nimete joldi hi aro safely.”
ATP statement para aro bi koikena janaidiya thakishe ki Medvedev isolation te ase aro tai ke tournament physician aro ATP medical team khan para sabole nimete.tai laga bodli singles draw te Juan Ignacio Londero thakibo aro doubles event para hataidiya pichede.
Add Comment