Mumbai Court para Rhea laga bail reject korishe

September 11, 2020: Mumbai’s Session Court para actress Rhea Chakraborty aro tai laga bhai Showik laga  bail reject korishe koishe. Aro etu oper te Sushant Singh Rajput mora oper te kuan manuh ke drugs nemite thurikena ase- Abdul Basit, Zaid Vilatra, Dipesh Sawant aro Samuel Miranda, tai khan lage be rejected hoishe. Etai actress toh Byculla Women’s Jail te September 22 darik dak thakibo. Case toh hona beche, Rhea laga lawyer Satish Maneshinde para koishe ke, actress ke olabo nemite aha hafta Bombay High Court te jabo. “tai koishe ke, “order copy paa beche, ami khan aha hafta High Court te jaikena fesla koribo”.Olop din agae te, Mumbai Magistrate para Rhea ke 14 din nemite September 8 darik te judicial custody te botaishe. NCB lockup te thaka beche, Rhea ke aro Byculla Jail te loikena jaishe, etu samay tai laga lawyer Satish Maneshinde para Wednesday din Session Court te bail mangkeshe. Hoilebi, NCB para mana nai, aro Metropolitan Magistrate para tail laga bail application toh reject korikena 14 din nemite judicial custody te botaishe.