NCB para Arjun Rampal ke sawal koribo

November 13, 2020. Friday din Bollywood actor, Arjun Rampal, Mumbai ahishe aro tai ke Narcotics Control Bureau (NCB) para tawai nemite sawal koribo ase koishe. Narcotics Control Bureau (NCB) para actor ke November 11 darik te matikena thakishe. Agency khan para Arjun Rampal laga ghor Mumbai te November 9 din te pesarai beche ase. Agency khan para aro Rampal laga girlfriend, Gabriella Demetriades logot be sawal hotibo nemite November 11 darik te matishe. Gabriella laga bhai Agisilaos Demetriades ke agency para tawai logot linked thaka aro Sushant Singh Rajput mora oper te thurishe. Agency para aro film producer Firoz Nadiadwala laga maiki Shabana Saeed ke be thurishe. Nadiadwala laga ghor para marijuana 10 grams paishe koishe. Shabana para etu tawai toh Wahid Abdul Kadir Shaikh laga hath para loishe. Wahid toh olop din agae te he agency para thurikena thaka ase.