NCB para Deepika logot ‘D’ matlab hotishe

Mumbai: September 26, 2020. Actress Deepika Padukone logot Narcotics Control Bureau (NCB) para pas(5) gonda oper Bollywood-drug nexus nemite questioned korishe, koikena official para koishe. Deepika ke question kora toh, ek jun manuh para WhatsApp message “D” koikena tai para actress laga manager Karishma Prakash logot ‘maal’ ase naa nai hotishe. NCB khan para D = Deepika, aro maal = drugs hoboli pareh koikena investigating kori ase. Inquiry samay NCB khan toh Deepika aro Karishma Prakash laga face to face te bohise, source para koishe. Deepika Padukone, Colaba, south Mumbai te NCB guest house 9.50 am pongchise, guest house te thaka police official para koishe. Khobor para koishe ke, Deepika laga mota actor Ranveer Singh para question kora samay tai he thakibole hotishe, hoilebi Friday din te NCB logot eku request kora nai koishe. NCB para aro actresses Shraddha Kapoor aro Sara Ali Khan logot be drug nexus nemite office te mathishe.