AGENCIES: New Zealand skipper Kane Williamson toh second test England laga khilaaf nathakibo etu bi left elbow te jhokom paa nimete.etu te tom Latham para side ke lead kuribo tai nathaka samay te.etu khobor toh team laga head coach para Wednesday din te koikena janaidiya thakisbhe.
Gary stead para koikena janaishe Williamson toh etu jhokom toh manage kuri thakishe march para aro tai khan para etu 30 umar ke ekta chance dibole mun ase World Test Championship final India laga khilaaf etu moina olop akhe te nohoa akhe.
Stead para koikena janaishe”etu toh Kane nimete asani laga decision thakanai etu test te nathakibole nimete hoilebi etu toh toh thik ase koikena ami khan bhabona kuri ase.
Tai toh tai laga haath te injection loi thakishe etu bikha toh aram pabole nimete tai toh pai thakishe bat kura samay te aro ekta rest aro rehabilitation laga samay para tai bhal hobole nimete modot dibo.
Etu decision luwa toh ICC World Test Championship Final Southampton te hobole thaka nimete saikena loishe aro ami khan tayari ase etu match nimete June 18 para shuru kura te.
Batsman Will Young toh Williamson laga jaka lobo batting lineup te.New Zealand toh England laga khilaaf second test duita match series Edgbaston Thursday te khelibole ase .Lords laga first test toh draw hoishe.
