Oscars 2021 ‘Best Supporting Actress’ nemite list te Priyanka nam be ase

September 20, 2020. Priyanka Chopra Jonas thakina aha samay saal pur te nam aro dulat besi kamaishe. Tai laga talent aro freshness para India laga face be botli korishe aro duniyaa te tai sobse manuh para morom kora celebrities ekta ase. Etu samay, Priyanka Chopra Jonas toh etu saal Oscars te ‘Best Supporting Actress’ top contenders laga list te shamil ase. Tai laga Netflix film, ‘The White Tiger’. Ramin Bahrani, para directed kora Academy Award toh jetiboli bhapana ase. Etu film toh Aravind Adiga’s novel para bona ase.  Film te tai laga character toh fans khan para ketai be nathika laga ase ari tai be tai sobse bhal te ase. Variety’s Awards Circuit toh Oscars official predictions ase koishe. Priyanka ke list te thala toh- Meryl Streep (for The Prom), Han Yen-ri (for Minari), Kristin Scott Thomas (for Rebecca) and Olivia Colman (for The Father) aro dosura besi ase koishe. Priyanka Chopra Jonas para duniyaa te bemari thaka samay maiki khan para business kora te besi motob korikena ahishe.  Superstar para koishe ke, “ketai maiki poisa te takot thakibo, tai khan para families, communities aro countries be botli koribo pareh”. Ami khan global icon para etu saal ‘Best Supporting Actress’ laga prestigious Academy Awards trophy toh loikena jaa saboli rokoboli napahre naa ase. Netflix para ‘The White Tiger’ film bonai ase aro etu oper te Mukul Deora aro Priyanka toh Executive Producer ase.