November 13, 2020. Bollywood actor Asif Basra para Thursday din Dharamshala, Himachal Pradesh laga Kangra district te suicide korikena morishe. Basara toh Jogibada rasta McLeodganj te café osor te hang hoikena thakishe. Tai para keli etu kam korishe janiboli nemite investigation loi ase koishe. Khobor para koishe ke, actor Asif Basra toh phara ghor ekta McLeodganj te 5 saal para bohi ase. Tai logot foreign girlfriend be ek logot bohi thakishe. “Film actor Asif Basra ke Dharamshala te private ghor te hang hoikena paishe. Forensic team khan chaka te ase aro police khan para investigation loiase”, koikena Kangra SSP Vimukt Ranjan para janai thishe.
Basra ke entertainment industry te besi bhal para jani ase. Etu oper te Bollywood films neshina Kao, Pe Che, Parzania aro Black Friday te tai olaikena ase.Tai aro Hollywood film be bonaikena ase. Etu jarikena shows neshina- Paatal Lok, Woh, Hostages te be tai thakishe.
Add Comment