Agencies, 04 January: Prime Minister Narendra Modi para former India skipper Sourav Ganguly ke called korise. Kelay koile Saturday te Gangly ke olob heart attack howa para dukh powa nemite. PM Modi para Ganguly laga health te enquired korise aro BCCI president’s wife Dona ke phone call samai te kotha korise.
Ganguly, 48 toh joldi ‘primary angioplasty’ jabole ola thakise kelay koile bondh hoi kena thaka coronary artery toh clear koribole nemtie. Tai toh Kolkata te Woodlands hospital te joldi jabole ola thakise. Etu toh tai laga khor gym te chest bekha complain kora bechite thakise.
Ganguly ke shai thaka medical team laga head, Saroj Mondal para Sourav Ganguly toh angioplasty jaa bechite thek para ase koise. Tai toh etiya conscious aro stable te ase koise. Tai ke olob cardiac issue howa toh tai laga khor gymnasium te olob kaam kori thaka samai te hoise koise.
Doctor para etu morning treadmill kori thaka samai Ganguly toh myocardial infarction para dukh powa thakise koise. Tai ke toh etu nesana Friday te be howa thakise koise. Tai toh hospital te joldi jaa thakise aro etu para tai ke treat koribole nemite besi motob paise koise.
Din samai te, Ganguly ke toh COVID-19 nemite negative test ola thakise aro routine scans te jaa thakise. Besi manu khan para Ganguly laga joldi recovery nemite wish korise. Cricketers khan majote Sachin Tendulkar aro Virat Kohli para be joldi recover nemite wish korise.
West Bengal Chief Minister Mamata Banerjee para be Ganguly hospitalisation nemite mochinda kora janaideya thakise. Tai para be Ganguly ke mild cardiac arrest howa honi kena mondukh hoise koise. Tai laga bhabona aro prathana toh tai aro tai laga family logote ase koise aro joldi recover hobo nemite wish korise.
Add Comment