New Delhi: ‘PM Narendra Modi’ film olaibo toh postponed kori dise aro notun release date toh etiya tak janai dibole ase. Central Board of Film Certification (CBFC) chairperson Prasoon Joshi pora koise ki etu film toh examination aro certification laga kadam te ase.
Kintoh etu film laga certification logote milikena besi sawal khan ase, etu nimite bhal pora janai dibole mon jai ase. Etu film toh bhal pora kanun laga hisab pora examination aro certification laga kadam te ase aro etu toh etiya tak certified koriya nai kile koile etiya tak etu kadam toh pura howa nai, Joshi pora ekta statement te koise.
Etu biographical drama toh asol toh April 12 te olaibole dayar korikena thakise hoilebi film makers khan pora samoy toh aro ek habta milaise, koise ki “public demand” nimite. Etu film laga producer Sandeep Ssingh pora Thursday te etu film olaibo laga direk laga kotha loikena tweet korise. “Etu toh janaidibo nimite ki, moi khan laga film ‘PM Narendra Modi’ toh 5th April te na olaibo. Phat khobor toh janai dibo,” Ssingh pora lekhise.
Etu film laga director Omung Kumar pora ANI logote ekta exclusive interview te janaise ki etu film toh Friday te na olaibo. Hoilebi tai khan pora etu logote besi khobor toh janai diya nai, hoilebi censor board chief laga hisab te, etu kadam toh etiya tak juli ase.
Vivek Oberoi pora star koriya etu film toh badal laga nijete ahise, tate opposition parties khan pora koise ki April 5 te etu film olaibo laga fesla toh Lok Sabha elections te voters khan ke danibo laga maksat nimite ase. Konoba aalag political parties khan pora bi koise ki general elections logote ek habta bi nahoikena aagete etu film ola toh model code of conduct logote khilaf ase.
Supreme Court te olop aagete ekta special leave petition (SLP) bi file korise, Bombay High Court order ke khilaf korikena aro hothise ki film olaibo laga samoy toh podli nakoribo nimite. Bombay High Court, pora April 1 te film olaibo laga direk podli nakoribo nimite diya PIL hatai dise.
Etu SLP toh petitioners khan nimite mon aaram hobo nimite etu film ola laga direk toh podli nakoribo nimite hothise. Etu petition te koise ki high court pora kotha khan ke maana koriya aagete sob kotha ke mialikena sawa nai.
Monday te, Bombay High Court pora etu film laga direk podli nakoribo nimite diya PIL toh hatai dise. Etu court pora koise ki Election Commission (EC) pora pohoila hi etu film bona khan ke khobor dise ki Lok Sabha election logote milikena etu film pora Model Code of Conduct logote khilaf korise koikena khabor khan paise. Etu biopic toh credits laga diktar bi olaise. Lyricists Javed Akhtar aro Sameer pora koise ki tai khan etu film laga gaana bona te ekko hisa naloikena bi tai khan laga naam dise.
Hoilebi etu producer pora koise ki tai khan laga purana gaana toh aro notun karne bonaise, etu nimite tai khan laga naam toh dise. Etu film toh Modi laga jeeevan yatra, tai kenika shuru te CM karne thakikena election jitikena Prime Minister hoise, etu laga kahani ase. Oberoi toh Modi karne olaibole ase.
Add Comment