Agencies, 06 January: Tuesday te Premier League para sob melikena 40 manu ke COVID-19 nemite positive test olaise koise. Etu toh etu season laga ek hapta te sobse besi number ase koise. Etu 40 cases powa toh last hapta te test laga tuita rounds low ate paise koise.
Notun season suru kora samai para, test laga 19 rounds te 171 manu khan English top flight te novel coronavirus nemite positive test olaise koise.
Leagu para ek hapta te tui par test loi. Tai khan para positive powa khan laga naam toh janaideya nai hoilebe tai khan ke 10 din nemite sielf-isolate te rakhibo koise.
League para statement te koise, “Premier League para aji confirm koribole para toh, Monday 28 December aro Thursday 31 December majote, 1,311 player aro club staff ke COVID-19 nemite test korise. Etu te 28 notun positive test thakise”.
“Friday 1 January aro Sunday 3 January majote, 984 players aro club staff ke COVID-19 nemite test korise aro etu te 12 notun positives thakise”.
Jowa hapta, Fulham laga games Burnley aro Tottenham Hotspur te cancel kora thakise kela[y koile COVID-19 toh Londow club te ola nemite, aro Manchester City laga match Everton te be cancel kora thakise kelay koile Etihad club te notun COVID-19 cases report howa nemite.
Reuters tally hisaab te, United Kingdon te 2.7 million opor confirmed COVID-19 cases aro 75,000 opor mora record hoise.
Prime Minister Boris Johnson para Monday te notun national COVID-19 lockdown janaideya thakise kelay koile desh te virus laga notun variant toh othi thaka nemite. Hoilebe Premier League toh joli thakibole manishe.
Add Comment