Agencies, 18 December: Ace Indian shuttler PV Sindhu toh January 2021 te competitive khel suru koribole ase. Tai komti hoilebi tuita tournaments te hisha lobole ase.
Sindhu toh Target Olympic Podium Scheme (TOPS) core group laga ekta part ase. Tai khel toh Yonex Thailand Open (January 12-17), Toyota Thailand Open (January 19-24) aro Bangkok te World Tour Finals (January 27-31) te toh qualification hisaab thakibo.
Sport ministry para Sindhu laga request hisaab te, tournament te physio aro fitness trainer shaat thakibo nemite sanction korise.
Sports Authority of India (SAI) para statement te tinta tournaments nemite physio aro trainer laga services toh Rs. 8.25 lakhs nesana daam te sanction korise koise.
Poila ta last khela toh etu sal laga March moina te All England Championships te thakise. Etu toh pandemic para sport nakorakhai deya agae te thakise.
September te reigning world champion toh Denmark Open para olaise. Etu bechite tai Uber Cup te khelibole mana thakise aro etu toh postpone hoija thakise.
November te etu Rio Olympic silv er medallist para tai toh pura puri fit ase aro khali health-wise ekala nahoi kena badminton court te aro tai laga daiyari Tokyo Olympics nemite pura thek para jai ase kowa thakise.
Olympics toh etu sal laga July-August te lobole thaka ase hoilebi Covid-19 pandemic nemite 2021 laga summer nemite postpone kora thakise.
Add Comment