Agencies, 15 April: Bollywood actress Bhumi Pednekar toh etu par April 5 te Covid-19 nemite positive test powa thakise. Tai toh aji kali bemari para phal hobo nemite home quarantine te ase. 31-omar actress toh recovery hobole nemite ase aro tai laga jevaan te ekala thaka kothom koribole nemite rokhabole napari. Etiya Insta te Bhumi para quarantine te thaka sundor noksha toh share korise.
Bhumi para noksha logote caption te tai quarantine jevaan te rokhi ase koise. Noksha te tai white crop top aro black and white printed skirt laka toh dekhae. Etu 31 omar laga noksha te 1 lakh para opor lakh toh ek khonda samai te paise.
Second wave coronavirus para besi man uke infect korise aro COVID-19 positive cases toh joldi othise. Bollywood te besi celebrities khan olop agae hapta te infect howa thakise.
Etu par (recently) Akshay Kumar, Govinda, Paresh Rawal, Alia Bhatt, Ranbir Kapoor, Rohit Saraf aro Bollywood laga tusara khan ke COVID-19 nemite positive powa thakise. Poila Amitabh Bachchan, Abhishek Bachchan, Arjun Kapoor, Malaika Arora aro tusara konbah ke be virus para infect howa thakise.
Kaam te, Bhumi toh Amazon Prime’s horror thriller ‘Durgamati’ te dekhise aro tai toh ahibole rom-com drama ‘Badhaai Do’ opposite Rajkummar Rao te dekhibole ase.
Movie te Harshavardhan Kulkarni para direct kora toh etu sal September te olabole schedule ase. Etu opor te tai ke be Karan Johar‘s multi-starrer ‘Takht’ toh ase.
Add Comment