AGENCIES: Claycourt king Rafael Nadal toh dikdaar shuruwat thakikena Italian teenager Jannik Sinner 7-5 6-3 6-0 Monday din te haraidishe aro tai toh French open laga quarterfinal te ghussise.
Etu Spanish defending champion kun bisari thakishe record-extending 14th Roland Garros singles title jitibole nimete aro khali ekta manu hoishe 21 grand slam crown jita thaka toh 35 consecutive sets Paris te jitishe.
Third seed Nadal toh Diego Schwartzman logote semifinals te jabole nimete khelibole ase etu bi argentine ke tournament laga akhe edition te last four te haraa pichede.
Novak Djokovic jitishe
Novak Djokovic toh duita sets nichete thakikena French open te etu 19 umar manu ke khushi paishe.
Novak Djokovic toh duita set deficit para ahikena paanch bar wala jitishe tai laga career te.tai para 19-year-old Lorenzo Musetti Italy ke haraidishe kun jhokom hoikena jaisahe duita games bachikena thaka te haribole thaka nimete French open laga fourth round te.
Musetti para medical timeout loishe fourth set pichede aro olop nimete court charishew aro aha charta games harikena concede kurishe.
Etu score toh 6-7 (7), 6-7 (2), 6-1, 6-0, 4-0 te thakishe.Djokovic para khali 10 points hi harishe third set aro four fourth te aro final 13 games jitishe.
Seeded No. 1, Djokovic toh tai laga second French open title jitibole kurishe ase aro grand slam te 19 th .tai toh etia five setters te 34-10 te bhal hoishe.
Etu serb toh roland garros quarterfinals te 15th bar wala ghussise .tai toh etia aro ekta Italian, No. 9-seeded Matteo Berrettini, logote khelibole ase kun akhe te jaishe roger federer ola pichede.
