New Delhi, 30 March : Rahul Arunoday Banerjee 43 saal, Talsari Beach te drowning incident pora mori jaise. Tai laga sudden maut Bengali film industry aru fans khan majot bisi shock loi anise. Tai wife Priyanka Sarkar aru taijun laga 13 saal laga lora Shahaj ke charise.
Rahul Arunoday Banerjee aru Priyanka Sarkar majot love story start hoise ketiya Priyanka Sarkar etiya young ase. Agey te tai Rahul laga offer reject kori dise, kintu Chirodini Tumi Je Amar pora tai laga relation change hoi se, onscreen chemistry real-life romance te turn hoise. Kunba saal date koria pichete duijon chup chap para shaadi kori loise, aru 2013 te tai laga lora Shahaj jonmo loise.
Pichete tai laga shaadi te problem ahise, aru ek saal bhitor difference ahibo shuru hoise, juntu separation te jaise. Priyanka Sarkar besi bhag time lora ke ekela raise kori ase. 2018 te duijon divorce file bhi kori dise.
Alag thaka time te duijon laga naam alag alag logot jora hoise kuina kotha uthise, kintu aste aste duijon phir eke logot ahibo shuru korise. 2022 pora Rahul Arunoday Banerjee aru Priyanka Sarkar public events aru festivals nisina Durga Puja aru Holi te eki logot dekha jabo dhorise. Rahul bhi confirm kori dise ki tai laga relation phir thik hoise aru divorce case bhi uthai dise.
Incident time te Rahul Arunoday BanerjeeBhole Baba Paar Karega shooting karone Odisha te ase. Co-star Diganta Bagchi hisab te, shoot pora tai ekela pani te dhukise. Crew members dekhina taratari bahar ulaina hospital loi jaise, kintu doctor khan declare kori dise ki tai nai hoise
