New Delhi, 30 March : Salman Khan nijor next film announce kori dise, juntu ekta action drama hobo aru direct koribo Vamshi Paidipally. Film tu produce koribo Dil Raju under Sri Venkateswara Creations banner te. Itu project tu Salman Khan karne next film hobo Maatrubhumi pora.
Vamshi Paidipally agey te Prabhas laga Munna pora debut korise, itu pichete Brindavanam (Jr NTR), Yevadu (Ram Charan aru Allu Arjun cameo), aru Maharshi direct korise, juntu National Award bhi jiti loise. Tai Vijay ke loi Varisu bhi direct kori ase.
Dil Raju 60 pora besi film produce kori ase aru duita National Award jiti ase Maharshi aru Shatamanam Bhavati karone. Vamshi Paidipally aru Dil Raju age pora 5 successful film te eki logot kaam kori ase, kintu Salman Khan logote etu tai laga first collaboration hobo.
Meanwhile, Salman Khan etiya prepare kori ase Maatrubhumi release karone, juntu ekta war drama. Film tu direct korise Apoorva Lakhia aru produce korise Salma Khan under Salman Khan Films. Etu film te Salman Khan ekjon Indian Army Colonel role te thakibo, tai laga team ke lead korina dangor Chinese force logote fight koribo. Film tu April 17 te release hobo kuina thakise, kintu postpone hoise, aru notun date etiya confirm nohoi.
