Police pora koise south Los Angeles laga Marathon Clothing bahar te Sunday 2:20 pm nishina somoy te teenta manu ke mari kena morai dise.
Police pora koise etu manu khan ke hospital te loi jaise aro etu somoy te ekjun manu toh muri kena dhakise aro bachiya khan toh ulap khatra pora bahar te dhakise, police pora koise.
Etu bandhuk mariya manu toh bolai kena jaise etu pora dhuriya nai, police pora koise.
Mayor Eric Garcetti pora Hussle muriya toh jonai dise, koise dimag nadhakiya laga bandhuk laga violence te hotai jawan khan muriya karne etu city khan bishi mon biya pai ase “.
Tai pora tweet kurise: “Moi khan laga mon toh Nipsey Hussle logot te aro etu asurat hadsa te log kuriya khan logot te ase.” Los Angeles Times laga hesasb te, law enforcement laga khobor hesab te, Hussle ke toh bishibar guli pora marise. Tai namuriya ake te hi, Hussle laga official account te tweet pora post kurise: “Ektam tagot laga dushman dhakiya toh ashirwat ase.”
Hussle,ashol nam Ermias Davidson Asghedom, toh dos sal upor te West Coast hip-hop scene laga figure dhakise.
Tai laga pohila album, Victory Lap, February te,Grammy te best rap album nomination kuridiya nahowa ake te tai pora bishi mixtapes bonai dhakise.
Rihanna pora koise tai laga atma toh etu laga khobor pora hilai dise.
Tai pora tweet kurise: “Prabhu tai laga atma shanti te rakhi dibe! Abni logot te enika howa karne moi bishi maaf ase @nipseyhussle”.
Pharrell Williams pora Twitter te likhise Hussle toh millions manu khan ke mon khushi pai diya “positive” force dhakise.
Add Comment