ALMATY, KAZAKHSTAN: Indian wrestler Ravi Kumar Dahiya para tai laga Asian championship title toh retain kurishe etu bi bhal para khela pichede.hoilebi Bajrang Punia para silver jitishe etu bi Takuto Otoguro logote final khelibole thaka para olaijaa pichede elbow injury nimete Saturday te.
Bajrang para PTI ke koikena janaidiya thakishe ki tai toh conditions tai laga right elbow te dikdaar dibole munnai tai para koikena janaishe tai toh bikhai thakishe Korean Yongseok Jeong laga khilaaf khela samay te quarterfinals te.
Tai laga next toh Mongolia’s Bilguun Sarmandakh, kun ke tai pin kurishe summit clash te jabole nimete.
Bajrang para 2018 World Championship title clash harishe aro juwa sal te Asian Championship final Otoguro logote harishe. Aro tai ke test kuribole thakishe Japanese laga khilaaf te hoilebi etu toh anti climatic end thakishe 65 kg competition te.
Medal rounds te ghussa toh Narsingh Pancham Yadav (74kg) aro Satywart Kadiyan (97kg), ase kun khan bronze nimete ladai kuribo etu bi tai khan laga semifinals toh harijuwa pichede.
Kadiyan toh 97kg quarterfinals te Kyrgyzstan’s Arslanbek Turdubekov ke 5-0 para haraidiya pichede hoishe.
Tai para first period t e duita points loishe etu bi push out te aro dusra toh take down para thakishe second te tai laga rival toh hamlaa kuribole parani.
Quarterfinal te Uzbekistan’s Mukhammadrasul Rakhimov laga khilaaf te tai bhal para khelishe 4-1 para jitibole nimete.
Etu pichede tai Iran’s Ali Khalil Shabanibengar logote khelishe aro semifinals te ghussise technical superiority te 25 seconds te haraa thakise.
Add Comment