AGENCIES: Real Madrid para carlo ancelotti ke Tuesday din te zinedine zidane laga bodli kun juwa haafta charishe etu bi team khan laga akhe wala trophy najita niemte nimete tai laga bodli ahise,.
Etu 61 umar ancelotti toh Premier League club Everton laga manager para hatijaishe etu bi Madrid ke coach kuribole nimete kuntu te tai para duita season 2013 para 2015 tak coach kurishe.
Spanish club para koikena janaishe ancelotti toh manishe tin sal laga contract nimete aro ekta press conference toh Wednesday din te lobule ase.
Zidane toh ancelotti laga assistan thakishe etu bi Madrid para 10th European title 2014 te jita pichede.ancelotti para Madrid ke duita titles Copa del Rey, the Spanish Super Cup and FIFA’s Club World Cup jitai dishe.
Ancelotti para statement te everton laga website te koi kena janaishe”everton te thaka smaay te mui ke ekta opportunity dishe kuntu te mui biswaas thakishe etu mui nimete bhal ase aro mui laga family nimete.”
Etu Italian toh everton toh December 2019 te ahise etu bi marco silva para luwa pichede.etu club toh 12th te ahise premier league te juwa season te etu pichede 10th place finish thaishe ancelotti laga full season incharge te.
Zidane kun para Madrid ke tinta consecutive Champions League titles 2016-18 te jitai diya toh juwa haafta charishe aro koi kena janaishe tai ke club para support kuranai long term project nimete.
Dusra coaches khan zidane laga bodli ahibole kotha kura toh Antonio Conte, Mauricio Pochettino, Xabi Alonso and Raul Gonzalez khan thakishe.
