Mumbai: October 28, 2020. Rhea Chakraborty para Bombay high Court logot actor Sushant Rajput tuita(2) didi laga cases toh nahataboli koishe. Tai khan para mesa medical prescription anishe. Tuita didi para court ke case toh hataboli koishe. Tai jun para koishe, court para Central Bureau of Investigation ke actor mora oper te cases toh investigate koriboli koikena ase. Case toh Priyanka Singh aro Meetu Singh kelaaf te Rhea Chakraborty para complaint thikena ase, keli koile Sushant Singh Rajput laga ghor manuh para tai ke money lowa aro tai mora oper te botnam nemite. Rhea laga complaint toh Sushant Rajput aro tai laga didi pithor te June 8 darik te WhatsApp texts kora te, Sushnat namora 6 din agae te. Tai khan kotha kora toh media te olaishe, hoilebi, etu samai ghor manuh para Sushant toh mental dhuk ase jani thakishe. Priyanka Singh para tai laga bhai ke tinta tawai- Librium, Mexito aro Lonazep loboli koishe, etu tawai toh mon dhuk kora laga ase koishe. Rhea Chakraborty laga petition para kowa toh Sushant Rajpiut para tawai toh kaishe naa nai najani koishe. Aro etu be najani ke, etu tawai para morishe nahoile tai laga mental beya kora nemite tai suicide kora hobo, koikena petition te leki ase. Etu kotha sob nemite investigation jaiase, actor para court ke cases toh nahataboli koishe. Division Bench of Justices SS Shinde aro MS Karnik para cases toh aro November 4 darik te honiboli ase.
Add Comment