Writer Rumi Jaffery toh tai laga proposed thriller Khel ke ektam khushi aro echa pora rukhi ase,kintoh tai Amitabh Bachchan ke pohili bar direct kuribole ase. Writer pora koise, “Moi khan sob Bachchan saab laga thriller Badla pora kinika box office ke kamal kuri dise etu toh jani ase. Moi pora Badla laga kamiyab logot te match kuribole plan toh kuriya nai. Hoile bhi aro Bachchan saab logot te alak thriller bonabole ektam thik somoy ase. Aro Emraan Hashmi ke Bachchan saab logot te thriller te dhaliya toh,ektam phal hobole ase.”
Rumi pora koise, “Bachchan saab pora etu kam karne acha kowa biche te, tai etu kam kuribole ektam khushi pai ase. Moi laga film te tai bowa toh moi nijor ke ektam kobal phal phabe. Tai logot te kam kuribole toh filmmaker sob laga sapna ase.” Etu pora kisim character kuriya Amitabh Bachchan karne likhise? “Moi laga challenge toh tai pora boila kuri kena ahiya kam logot te eksat kuribole laga ase. Moi phabna hesab te Bachchan saab boila te kidya bhi na ula nishina ulabole laga plan logot te ahi ase,” Rumi pora koise.
Etu film te Rhea Chakraborty bhi ulabole pare.
“Hoile bhi tai ke Emraan Hashmi logot te pair nakuribo. Etu toh hero-heroine laga picture nahoi,” Rumi Jaffery pora koise.
Add Comment