AGENCIES: Sports Authority of India (SAI) para Friday din te khobor dishe tai khan para Georgian wrestling coach Temo Kazarashvili ke thik para kaam nakura nimete hataidishe etu bi etu te ekta bi Greco Roman wrestlers khan Tokyo games te qualify kuribole napara ase.
India para Kazarashvili ke February 2019 te loishe etu bi desh laga Greco Roman wrestlers khan ke national camp Sonepat Olympics tak train kuribole nimete loishe.
Aro charta manu freestyle wrestlers khan aro bishi wala maiki khan etu games nimete thakishe hoilebi desh toh greeco roman style nimete ekta single quota bi paanai.
SAI para statement te koikena janaishe “Sports Authority of India (SAI) para foreign wrestling coach Temo Kazarashvili of his contract toh dianai etu bi ekta bi Indian Greco-Roman grappler Olympic Games qualification napaa nimete.”
Aro koikena janaishe ki “etu decision luwa toh recommendation paa pichede Wrestling Federation of India para tai laga contract SAI logote February 2019 para Olympics tak thakishe.”
Wrestling Federation of India (WFI) Assistant secretary Vinod Tomar para etu decision toh defend kurishe.
Ami khan tai ke luwa toh Olympics nimete thakishe hoilebi etu te results khan thakanai.tai laga contract toh etu sal august tak thakishe hoilebi etu te national camp nathaka nimete kuntu te tai toh kuribole thaka toh etu te focus toh Tokyo Olympics te thaka ase etu nimete ami khan SAI ke koikena janaishe tai laga service toh nalageh.”tomar para PTI ke koikena janaidiya thakishe.
Tomar para koikena janaishe tai khan lsga nutun foreign coaches nimete bisaribo etu bi Olympics huwa pichede.
WFI para aro bi Iran’s Hossein Karimi (free style) and American Andrew Cook (women) ke tai khan laga term khotom nohoa adha te hataidishe aro koikena janaishe tai khan dukh pai thakishe tai khan laga tantrums logote deal kuribole nimete.
