GUWAHATI: Hailakandi district majot inter-state boundary osor school ekta te blast howa nemite aro Assam-Mizoram border te tangor jamila olaishe. Khobor para janaishe ke, nejana manuh khan para Gutguti jaga laga Sahebmara Punjee Lower Primary school, Hailakandi district osor Mizoram laga Kolasib district te blast kori thishe. Government para sai thaka school toh nekar jaga border osor te thakai toh Covid-19 restrictions thaka nemite bondh korikena ase. Etu blast toh rathi te howa nemite kaun manuh be jokom howa nai. Hailakandi district SP Gaurav Upadhyay para etu jaga toh jaikena saishe aro koishe ke, etu blast kora nemite investigation jai ase. Tin(3) moina akhe te, nejana manuh khan para Muliwala Lower Primary school, etu eke jaga Hailakandi district laga Katlicherra Block te tangor blast ekta hoishe aro June moina te be blast ekta te Cachar district te Dholakhal Lower Primary school toh beya kori thishe. Etu blast toh Friday din te hoishe. Etu laga tui(2) hafta thaka akhe Lailapur in Cachar district te Mizoram sepai logot jamila hoikena 6 jun Assam Police aro civilian ek jun larai kora samai morishe.
School blast howa te Assam-Mizoram border te aro jamila
