SHILLONG: Meghalaya te Historic Manipur Rajbari, puila state royal family laga ghor thaka toh itya state Bhawan bonaboli ase koishe. Etu khobor toh Friday din Manipur chief minister Biren Singh para janaishe. Etu ghor toh Manipur Rajbari, Shillong te thaka ase aro itya Manipur Merger Agreement para India Dominion logot September 1949 te signed kora ase. Manipur Merger Agreement para India Dominion logot signed kora toh hoile Manipur laga Maharaja Bodhachandra aro Government of India pithor te signed korikena thakishe. Manipur CM Biren para koishe ke, “Shillong te historic Manipur Rajbari toh Maharaja of Manipur laga ase aro etu jaga te Maharaja Bodhachandra toh Manipur Merger Agreement para Dominion of India logot Sept 1949 signed korikena thaki thaka ase. Hoilebi etu jaga toh Royal family of Manipur laga nahowa hoishe.” CM Biren Singh para aro janaishe ke, etu jaga toh Redlands, Shillong’s Laitumkhrah te thakishe, etu nemite “series of negotiations” thaka beche Manipur Government logot thishe. “hoilebi Redlands, Laitumkhrah te 1.93 acres mathi toh besi din kotha kora beche Government of Manipur logot thishe. Etu nemite itya State Government para etu mathi te Manipur Bhavan bonaboli fesla korishe. Ami Government of Meghalaya logot tai khan para morom kora nemite dunyabad janai ase,” koikena CM Biren Singh para koishe.
Shillong te Former Manipur royal ghor state Bhawan bonaishe
