Shraddha Kapoor Para Ahibole Film Saaho Karne Karjat Te Shoot Korise

Actress Shraddha Kapoor toh tai laga ahibole film “Saaho” nimite Maharashtra laga Karjat te shoot kori ase.
Shraddha para Wednesday te tai laga Instagram stories te jaikena tai bera laga ekta boomerang video post korise.
Tai para tate lekhise ki “Karjat time! ‘Saaho’.”
“Saaho” te “Baahubali” actor Prabhas bi olaibole ase. “Saaho” toh ahiya saal laga Independence Day, August 15 te oliabole dayar ase.
Etu film toh ekki logote Hindi, Tamil aro Telugu para bonai ase. Etu para pura India ke khusi koribo laga wada dekhai ase.
Shraddha Kapoor aro Prabhas charikena, “Saaho” te Jackie Shroff, Neil Nitin Mukesh, Mandira Bedi, Chunky Pandey, Mahesh Manjrekar, Arun Vijay aro Murali Sharma bi olaibole ase.
Etu film laga gaana toh Shankar-Ehsaan-Loy para bonai ase aro lyrics toh Amitabh Bhattacharya para lekhi ase. Photography laga director, Madhie para bi etu film te modot dise, tate veteran Sreekar Prasad toh editor ase aro Sabu Cyril toh production designer karne ase.
UV Creations production ekta, etu film toh T-Series para dekhaibo aro etu laga Hindi distribution kaam toh AA Films para sai ase.