November 2, 2020. Popular Bollywood singer, Angarag Papon Mahanta laga notun gaana Khidki toh besi nam othishe koishe. Etu gaana toh etai dak YouTube te 5 million manuh para saikena ase. Etu gaana toh Amarabha Banerjee para bonaishe. Tai gaana kora laga experience share kora te Assam laga singer para koishe ke, “gaana Khidki toh besi bhal aro gaana toh hosa neum te ase. Etu gaana neshina toh aji-kali besi nabonai” koishe. Gaana toh Patiala Babes laga actress Ashnoor aro Bandish Bandits aro actor Ritwik Bhowmik laga noksa oper te bonaishe koishe. “gaana toh besi sunder para actors Ashnoor and Ritwik Bhowmik laga noksa oper te korishe. Gaana sob te noksa toh video te thikiba aro etu chotu film neshina thakibo”, koikena Papon para khobor thishe. Papon besi kushi as eke, etu gaana toh YouTube te manuh para bahl jawab thishe aro manuh besi para bhal lakishe koishe. “YouTube te manuh khan para ami laga gaana sai toh eku najai, hoilebi kotha toh manuh keman jun para honishe. Konuba jawab para ami besi kushi paishe,” singer para koishe.
Add Comment