Smriti Irani para Nagaland recipe share korishe

September 24, 2020. Wednesday din te Union Minister of Women and Child Development Smriti Irani para Nagaland laga traditional dish recipe shared korishe. Tai para followers  khan logot Twitter te PoshanMaah 2020 celebrate kora samay kora ase. National Nutrition month or PoshanMaah 2020 toh September 1 darik para soruh hoishe aro etu September 30 daril dak thakibole ase koishe. Union Minister para Twitter te recipe video shared kora toh Dimapur laga chef AyimImchen 13 umer, para sobji bona laga thakishe. Irani para koishe ke, young chef para nutritious dish bona toh tai laga grandmother hath para heka ase koishe. “13-umer Chef AyimImchen, Dimapur te thaka chokuri para tai laga Grandmother hath para traditional dish bonaboli hekishe.  Nagaland para simple nutritious recipe toh tangor iceberg ase aro etu logot Indian cuisine koishe,” Irani para aro koishe. Video te young chef para Naga Yam Stew bona toh Yam, lai-pata, tomatoes, merja aro atowa para bonaishe. MyGovIndia para National Nutrition month or PoshanMaah 2020, celebrate koribo nemite organized kora POSHAN Abhiyan ‘Recipe Contest’  samay etu recipe be ekta thakishe koishe. Holistic Nutrition or POSHAN Abhiyaan or National Nutrition Mission toh Prime Minister’s Overarching Scheme ase aro etu Government of India laga flagship programme ase, etu para children, pregnant women aro lactating mothers logot nutritional bhal kori dey aro etu  March 8, 2018 saal Rajasthan te International Women’s Day occasion thaka samay olaishe koishe.