Agencies, 16 April: Abhishek Bachchan bechite, Sonakshi Sinha para para mask laka kaam howa opor te koise. Actress para social media te ektum sundor nosha share kora te tai laga serious expression jehara dekhise. Desh te COVID cases toh sobse besi tek ponja nemite, Sonakshi para Instagram te manu khan manu khan mask lakabole koise.
Sonakshi para be poila sundor noksha share kora te second wave covid nemite sob manu khor te thakibole janaideya thakise. Coronavirus laga second wave para besi manu khan ke infect korise aro COVID-19 positive cases toh ektum joldi othise. Bollowood te besi celebrities khan olop hapta pithor te infect howa thakise.
Etu par Vicky Kaushal, Akshay Kumar, Govinda, Paresh Rawal, Alia Bhatt, Ranbir Kapoor, aro Rohit Saraf ke positive test powa thakise. Etu agae te Amitabh Bachchan, Abhishek Bachchan, Arjun Kapoor, Malaika Arora aro tusara konbah celebrities ke be virus para infect howa thakise.
Kaam te, Sonakshi para tai laga ahibole digital debut film nemite ace filmmaker Zoya Akhtar logote shooting kothom kora thakise.
Tai toh ahibole Indian Hindi-language war drama action film ‘Bhuj: The Pride of India’ te bahadur social worker Sunderben Jetha Madharparya laga role kora thakibo aro etu te direct, co-produced aro writer toh Abhishek Dudhaiya ase. Tai para be ahibole Netflix film titled ‘BulbulTarang’ para tai laga character Bulbul toh janai kena ase.
Add Comment