SSR family para AIIMS doctor ke complaint file korishe

October 10, 2020. Central Bureau of Investigation (CBI) para actor Sushant Singh Rajput suicide case sai thaka te, Rajput laga ghor manuh nam te lawyer para All India Institute of Medical Sciences (AIIMS) doctor khan logot Rajput’s forensic analysis report leak kora nemite complaint korishe. Complaint te kowa toh, doctor khan para bhal kam kora. Lawyer Varun Singh para aro AIIMS doctors logot actor mora oper te notun kam saboli koishe. “ami khan report laga copy be mangkishe, hoilebi eku jawab ani. Forensic team laga head para post-mortem report be submit nakori, kali Cooper Hospital te autopsy lowa toh kotha kori”, koikena Mr. Singh laga complaint te lekishe. Mr Singh para koishe ke, Hospital para post-mortem kora samay videography be lowa nai, aro ahiboli din nemite eku sabot rakanai. Tai aro koishe, autopsy report te mora laga samay be koikena nai. Etu complaint toh AIIMS para tai khan laga report te actor toh morai deya nahoina suicide korishe koiken kowa beche te ase. Medical institute para be koishe ke Ragput laga body te eku poison thaka nai. CBI officials para koishe ke tai khan aro investigate koribo. Rajput toh tai laga ghor Bandra June 14 darik te hang hoikena thakishe. Bihar police para case filed kora beche CBI para case toh loiase koisshe. Enforcement Directorate (ED) aro the Narcotics Control Bureau (NCB) para be melikena poisa aro drugs oper te case toh saiase.