Los Angels: Thursday din Actor Peter Mayhew laga khor manu khan para tai toh 74 sal deh morishe koikena khobor janaishe. Etu actor ke toh pura duniya manu khan para blockbuster “Star Wars” movies deh Wookiee warrior Chewbacca para jani.
Tuesday din Mayhew toh tai laga Texas laga ghor te murishe. Tai ke bhal laga manu khan bui thakikena etu ghor manu khan para statement dishe etu actor laga twitter account te “Tai bishi mon dishe etu Chewbacca laga role nimete aro tai bishi bhal para kura character khan bi janaah ase,”Statement te koikena janaishe .
Ghor manu khan koishe tai toh “Wheelchair para uthikena aro ekbar ‘Star Wars: The Force Awakens’ film te Chewbacca laga role kuribole ahise .Aro etu pichede tai aro ekbar tai laga successor Joonas Suotamo, ke coach kuribole nimete . Co-star Mark Hamill, kun para etu Luke Skywalker laga role kurishe tai para bi saaman dishe .Etu manu toh bhal manu thakishe kun kitiabi ami ke dukh pabole nadikena khushi kurai de tai ekta bhal saathi ase ,”Hamil Twitter te likhishe .
Mayhew toh tai laga maiki Angie aro tinta bacha thaki thaga ase. Etu manu laga ghormanu koishe ki June 29 te ekta memorial service lobo. Aro Los Angeles Empire con Star Wars fans nimete event thaka te ekta memorial lobo.
Add Comment