New Delhi: October 20, 2020. Monday rati te, Interior designer Sussanne Khan para post ekta te share korishe ke, tai laga Instagram account toh hacked hoishe. Account bhal howa beche, Sussanne para experienced kora jani thishe. Tai laga e-mail clicked korina Instagram te lekishe ke, “Hello sob manuh, ami laga Instagram account toh fake email te Instagram ase koikena hacked hoina thakishe. Ami authentic howa nai koikena jana nai etu para ami button te clicked korishe. Ami etu note leka toh, morom para mesa-meso emails aro messages te click nakoribe”. Tai laga account toh tik samay te bhal kora nemite Instagram logot dhanyabad thishe. Sussanne para followers khan logot “chor aro daku” logot hoshari thakiboli janai dishe. “besi tangor ‘Thank you’ Instagram teams khan ke, tai khan bhal motob kora nemite ami laga account aro wabas ahishe. Chor aro daku manuh laga hath para pachina thakibe”. Tai laga comments section te, TV czarina Ekta Kapoor para be koishe ke, tai be link te clicked korina etu neshina hoishe, etu samay Sikander Kher para Sussanne logot besi hoshari thakiboli janai thishe. “Suzy, tui links te click koriboli thaka nai. Aro ami logot be eke message tui paa neshisna paishe. “Actress Smriti Khanna para koishe, tai logot be same message toh ahishe. Marai Goretti para koishe ke, tai logot be Sussanne logot howa toh same hoishe koishe. Sussanne Khan toh interior designing brand The Charcoal Project laga malik ase aro Instagram te tai laga 1 million followers ase. Sussanne Khan toh aro fashion label The Label Life laga be co-founder ase. Sussanne Khna toh Actor Hrithik Roshan logot shati korikena thakishe. Hoilebi, tai jun 2014 November moina te alag-alag hoishe. Tai jun laga bacha toh Hridhaan aro Hrehaan ase koishe.
Add Comment