Agencies, 09 January: India te domestic cricket toh olai ahishe. Etu agae jowa sal March te Ranji Trophy toh rokhaideya thakise pandemic nemite. 2020/21 Indian domestic season te Syed Mushtaq Ali T20 Trophy toh January 10-31 majote lobole last te korai ahishe.
Tournament toh seven bio-secure venues te lobole ase aro etu te Bengaluru, Mumbai, Chennai, Vadodara, Kolkata aro Indore be melikena ase. Knockout fixtures toh notun bona Sardar Patel Stadium, Ahmedabad te khelibole ase.
Defending champion Karnataka para poila 2018/19 aro 2019/20 te jetise. Etu toh next te Baroda aro Gujarat logote tuita kamiyaab tiotles jeta laga ase.
38 teams toh choita groups, Elite Group A, B, C, D, E aro Plate Group te phak korise.
