Agencies, 10 December: Shahbaz Ahmed para lead korikena Tapan Memorial Club (TMC) toh Bengal T20 Challenge laga inaugural edition te jetishe.
Ahmed para bat logode 54 score korise aro five wickets loise. Etu para tai laga jour overs quota te khali 10 runs he deshe aro Tapan Memorial para Mohun Bagan kelaaf finale te 33 runs para jetibo nemite motob deshe.
Etu agae te Mohan Bagan para toss jeta thakise aro bowl nemide first juna thakise. Tapan Memorial toh 40 runs te he jarta wickets loikena ektum komchor para suru howa thakise kelay koile Bagan pacer Akash Deep aro experienced spinner Rajkumar Pal para tuita-tuita wickets lowa nemite.
Etu bechide Shahbaz Ahmed toh Kaif Ahmad logode TMC ke 78-run partnership para bachaideya thakise.
Shahbaz para 41-ball 54 (2×4, 4×6) mara thakise. Etu agae te Anurag Tiwary ke toh Akash para caught off howa takise Kaif toh out nahoi kena 39 te thaki thakise.
146 te jet nemide ketha te Bagan toh 122 te bowled out thakise.
Add Comment