Mumbai: Friday morning te Telugu superstar Chiranjeevi’s laga farmhouse Hyederabad laga outskirts te thaka te jui lagishe.
IANS khan khobor diya hisaab te etu jui para film laga kunba set khan biya kuri dishe .Etu hadsaa toh Gandipet lake osor te hoishe .Etu jaka te thaka manu khan dhunga dikhekena police khan ke hosiyar janaishe .Police officials khan khobor dishe ki film ‘Sye Raa Narasimha Reddy’ laga sets te kunbi thakanai etu hadsaa huwa time te .Hoilebi etu jui para etu laga major sets khan biya kuri dishe .
Chiranjeevi laga notun ahibole thaka film ‘Sye Raa Narasimha Reddy’ toh ekta historical war film ase aro etu toh Uyaalawada Narasimha Reddy laga jeevan uporte ase. Etu film te Amitabh Bachchan, Nayanthara, Tamannah aro dusra actors khan bi ase. Etu film toh Telugu, Tamil aro Malayalam te bonabole ase .
‘Sye Raa Narasimha Reddy’ laga film toh Chiranjeevi’s son-actor Ram Charan para bonaishe aro etu film Surender Reddy para direct kurishe .
Add Comment