Top-ranked sumo wrestler Hakuho ke positive paise

Agencies, 05 January: Top-ranked sumo wrestler ke coronavirus nemite positive test paise.

Tuesday te Japan Sumo Association para wrestler (Hakuho naam) toh polymerase chain reaction te jaa thakise koise. Etu toh smell laga sense te dekthari powa bechite. Mongolian te jonom powa wrestler toh etu hapta tournament suru hobole lag ate daiyari kori thakise koise.

Tai toh Japan te top-ranked sumo wrestlers majote first ase COVID-19 nemite positive test powa te.

Hakuho toh “Yokozuna” sumo wrestling te grand champion ase. Jowa sal interview te tai para tai laga baba toh Mongolia nemite 1968 Olympic te ekta silver medalist thakise koise.  Aro tai laga baba be 1964 Tokyo Olympics te hisha lowa thakise koise.

Japan te 125 million population ase. Japan para coronavirus pandemic te phal para sabole parishe aro Japan te COVID-19 para 3,500 opor manu ke moraishe.

Hoilebe last agae hapta para notun cases toh othi thakise aro Prime Minister Yoshihide Suga para Tokyo aro tinta neighboring region nemite “state of emergency” lakaidebole hota thakise.